خُود اپنے لیے بیٹھ کے سوچیں گے کِسی دِن
خُود اپنے لیے بیٹھ کے سوچیں گے کِسی دِن
یُوں ہے کہ تجھے بُھول کے دیکھیں گے کِسی دن
یُوں ہے کہ تجھے بُھول کے دیکھیں گے کِسی دن
بھٹکے ہُوئے پھرتے ہیں کئی لفظ جو دل میں
دُنیا نے دیا وقت تو لکّھیں گے کِسی دن
دُنیا نے دیا وقت تو لکّھیں گے کِسی دن
ہِل جائیں گے اِک بار تو عرشوں کے دَر و بام
یہ خاک نشیں لوگ جو بولیں گے کِسی دن
یہ خاک نشیں لوگ جو بولیں گے کِسی دن
آپس کی کِسی بات کا مِلتا ہی نہیں وقت
ہر بار یہ کہتے ہیں کہ '' بیٹھیں گے کِسی دن ''
ہر بار یہ کہتے ہیں کہ '' بیٹھیں گے کِسی دن ''
اے جان تری یاد کے بے نام پرندے
شاخوں پہ مرے درد کی اُتریں گے کِسی دن ؟
شاخوں پہ مرے درد کی اُتریں گے کِسی دن ؟
جاتی ہے کِسی جھیل کی گہرائی کہاں تک
آنکھوں میں تری ڈوب کے دیکھیں کے کِسی دِن
آنکھوں میں تری ڈوب کے دیکھیں کے کِسی دِن
خُوشبو سے بھری شام میں جگنو کے قلم سے
اِک نظم ترے واسطے لکھیں گے کسی دِن
اِک نظم ترے واسطے لکھیں گے کسی دِن
سوئیں گے تری آنکھ کی خلوت میں کسی رات
سائے میں تری زُلف کے جاگیں گے کِسی دن
سائے میں تری زُلف کے جاگیں گے کِسی دن
صحرائے خرابی کی اسی گردِ سفر سے
پُھولوں سے بھر ے راستے نکلیں گے کِسی دن
پُھولوں سے بھر ے راستے نکلیں گے کِسی دن
خُوشبو کی طرح ، مثلِ صبا ، خواب نما سے
گلیوں سے ترے شہر کی گُزریں گے کِسی دن
گلیوں سے ترے شہر کی گُزریں گے کِسی دن
امجد ہے یہی اب کہ کفن باندھ کے سر پر
اُس شہرِ ستم گار میں جائیں گے کسی دن
اُس شہرِ ستم گار میں جائیں گے کسی دن
بہت خوب انتخاب
ReplyDeleteشیئرنگ کے لیئے شکریہ